Hoekom wil ek ‘n kind van die Here wees?
Alles in die lewe gaan oor keuses – soms is hulle maklik om te maak en ander nou weer moeilik. Jy as persoon bepaal die rigting waar in jy beweeg elke dag met jou lewe se kom en gaan. Jou keuses word beïnvloed in wat jy sien, hoor en beleef. Hoe meer jy fokus op iets hoe meer trek dit jou aandag meer en meer. Wanneer daar waarde aan gekoppel word, word dit waarop jy fokus waardevol. Dinge begin dan sin maak en belangstelling prikkel jou. Tyd raak belangrik om meer daaraan te spandeer maak nie saak watse teenkanting jy daaraan kry nie. Jou besluit is gemaak.

Om ‘n besluit te maak om Jesus te volg werk op dieselfde gedagte. Wanneer jy eers die erns daarvan verstaan, kan jy nooit bekostig om jou rug daarop te draai nie. Hand. 5: 29. Hoe anders. Dit is die besef wat by jou opkom dat jy ‘n oorwinnaar is in Jesus en dat dit lewens belangrik is. Joh. 1: 12. Jy kom tot die besef dat daar is nie ‘n plan ‘B’ nie en dit gaan jou fokus op plan ‘A’ – Jesus – weggooi. Hoe meer jy die Here leer ken, dan kom jy tot die besef dat Hy die begin en die einde van jou lewe is. Rom. 1: 16.

Die gedagte om getrou te bly is: Wanneer die geestelike dinge jou beïndruk, is dit blywend. Jy word nie forseer nie, Jy word uitgenooi om na Hom (Jesus) te gaan op ‘n reis tog. Die evangelie van Jesus leer jou om te fokus, om staande te bly, jou kop hoog te hou en verby hierdie donker wêreld te kyk, na beloftes wat vir ons in die toekoms voor lê. Die gebeurtenisse hier op aarde is net tydelik, ons as mens kan ook net lewe solank as wat ons asem haal. Fil. 1: 21.

Terwyl jy die voorreg het om te kan lewe, en jy maak Jesus deel van jou lewe, dan het jy ‘n rede om te wil lewe maak nie saak hoe sleg die wêreld uitdraai nie. Om ‘n gelowige te wees maak nie jou lewe altyd makliker nie en jy het nie die hele tyd maanskyn en rose nie – MAAR- dit gee jou die geleentheid om ‘n verskil te maak. Nie ‘n reg nie, maar ‘n voorreg.

Om in Jesus te glo, is om momentum te kry om jou gedagtes daar bo te hou waar jou krag en hulp vandaan kom. Fil.4: 13. Jou karakter word altyd gesluip juis omdat sonde jou gaan bly druk. Sonde gaan jou altyd wakker hou, jy sien, daar is daardie klein stemmetjie wat gedurig met jou praat. Joh. 16: 13 In Jesus kan enigiets oorbrug word. Maar dink daaraan, hoe meer jou karakter gesluip word hoe sterker word jy. Jy het niks om te verloor nie. ‘n Kind van Jesus het altyd planne wat nooit opraak nie, hierdie planne is om maniere te vind om altyd naby Jesus te kom. Wanneer jy jou distansieer van die geraas van die wêreld en dan stil word en die Here soek in gebed, sal die Here altyd luister en Sy woord jou altyd lei. 1Tess. 5: 17.

Die grootsste risiko om in hierdie lewe in te gaan is om sonder Christus te wees. Wanneer jy sterf, sterf jy alleen. Wanneer jy sterf en jy het die Here deel van jou lewe gemaak, sterf jy in Hom. Glo my, dit maak ‘n verskil. Jy het te veel om te verloor sonder die Here. Dink aan die gedagte oor die ewige lewe – wat ‘n wonderlike gedagte is dit nie. Om in Jesus te lewe gee jou ‘n rede om te wil lewe en om die hiernamaals deel van jou lewe te maak.

Ja, jy voel soms om handdoek in te gooi, dit is menslik. Maar wanneer jy terug dink en jou seëninge begin tel en weer stilstaan en weer dink wat is jou doel hier op aarde, kom jy tot die besef dat jy net ‘n pelgrims is – en bestem is vir ‘n beter lewe – gaan jy weer asem skep.

Dit maak nie saak waar jy vandaan kom nie, wat saak maak is – nou – en jou -toekoms,- dit is wat tel. Elke oggend staan jy op, met ‘n vars begin, daardie dag is gou weer om en vir ewig verby. Die lewe gaan net aan en aan en aan. Jou lewe het ‘n doel, jou lewens verhaal is so belangrik, jou stem tel, jy tel, maar onthou net, wanneer jy Jesus het, gaan dit ‘n inpak maak op jou lewe. Om Jesus te volg is nie net om die regte dinge te se om mense tevrede te stel nie. Nee. Om Jesus te volg is om Hom eerste te ontmoet, in Sy Woord, dan word dit ‘n lewens proses. ‘n Proses wat die lewe ‘n uitkyk te gee. Wat jy vandag doen verander en beïnvloed al die dae wat voor lê. Positiewe gedagtes genereer positiewe gevoelens en so kry ‘n mens weer hoop wat weer positiewe resultate lewer, dat in Jesus is jy ‘n wenner. Almal soek geluk, niemand stel belang in teleurstellings nie, maar tog kry ons dit op ons pad, maar ons almal kry die reënboog van die Here om ons lewens kleur te gee na seëninge van Sy reën in ons lewens wat ons daardie motivering gee om aan te gaan. Die lewe is te kort om dwase besluite te maak om blindelings in die lewe in te gaan, Jesus is die lig, wat in jou en deur jou lewe kan skyn na ander. Dink so daaraan, elke oomblik wanneer jy asem haal, is ‘n onbeskryflike gawe van die Here vir jou, om jou daagliks kanse te gee om op die regte pad te bly, Hy gee vir jou ‘n ongelooflike gawe om te lewe en wanneer jy die Here kies, is jou lewe in Sy hande. Met God is baie beter as sonder God. Bly hoopvol. Stop om te probeer om ‘n kind van die Here te wees, dit gaan nie werk nie, maak dit eerder ‘n lewens patroon.

Om Jesus te volg is ‘n lewensbelangrike proses. Niemand kan jou deel van die lewe speel nie. Jy is jou eie persoon. Jy is uniek. Natuurlik lewe jy jou eie lewe….. die vraag is net, wie beïnvloed of inspireer jou? Wanneer jy die Here kies, bly dit net ‘n avontuur.

Het jy ‘n merk?…

Of merke wat raakgesien word? ‘n Uitken ‘teken’ wat sê dat jy ‘n kind van die Here is?
Ons almal dra ‘merke’ uitkentekens (gelaatstrekke) wat ons beskryf, wie en wat ons is. So baie mense het al gesê: “Ek is nie goed met name nie, maar ek sal ‘n gesig nie maklik vergeet nie.” Klink so iets bekend?

Mense word beroemd omdat ander mense na hulle kyk en van hulle begin hou. Die media speel ‘n groot rol wanneer dit kom by sulke goed. Wanneer jy ‘n bekende persoon sien in ‘n rolprent, lui daar ‘n klokkie dat jy daardie persoon al in ‘n vorige rolprent gesien het. Jy hou van hom, hy speel altyd ‘n goeie karakter, jy herken hom. Daar is iets omtrent daardie persoon wat uitstaan.

Jy kry minder aantreklike mense wat uitstaan, maar niemand sou eers na hulle gekyk het in die alledaagse lewe as dit nie vir die media was nie. Die media maak die minder aantreklike mense mooi, so mooi dat almal van hulle hou. My rolmodelle.

Rolmodelle word bekend, en nie lank nie of die hele wêreld weet van hulle. ‘n Griekse woord ‘stigmata’ beskryf die rede waarom die mense so beroemd word. Stigmata beteken: ‘n teken, uitkenteken of om gemerk te wees. ‘n Handelsmerk of jy staan uit.
Wanneer ek die naam Mel Gibson hoor dan sien ek die persoon in my verbeelding. Ek maak dadelik my gedagtes bymekaar om te onthou in watter rolprente ek hom in sien speel het. Wat het my beïndruk en wat het nie. Is hy nog so gewild of nie?

Beroemde mense staan uit! Daar is uitkentekens gekoppel aan hulle. Hulle het ‘n handelsmerk wat hulle volg. Hulle is gemerkte filmsterre en moeilik om mis te kyk, danksy die media.
Die vraag is of ons ook ‘n ‘stigmata’ (die Griekse woord) oor ons lewens het? Die antwoord is ja. Wanneer ek die naam KFC hoor registreer dit dadelik. Dis die hoenderoom wat hoender by sy hoenderwinkels verkoop. Simson, en dadelik weet jy: die ongelooflike sterk man in die Bybel.
Hulle name word gekoppel aan wat hulle doen of wat jy van die persoon weet. ‘n Uitkenteken, ‘n merk of ‘n handelsmerk is iets wat vas steek. Iets wat toegeëien word aan die persoon.
Het jy ook ‘n merk of merke of ‘n uitkenteken in jou? Iets wat maak dat mense presies weet wie en wat jy is, wanneer hulle na jou kyk? Ja. Kom ek vra die vraag anders. Kan mense sien dat jy ‘n kind van Jesus is wanneer hulle na jou kyk? Kan hulle in jou voorkoms of optrede sien dat jy ‘n Christen is?

In Genesis 4: 12 – 15 maak die Woord melding dat Kain ‘n “stigmata” aan hom gehad het. ‘n Uitkenteken, ‘n handelsmerk, ‘n merk wat gemaak het dat almal wat hom sien, hom nie sou dood maak nie. Hy was bekend en het uitgestaan. Almal het van hom geweet en almal het geweet dat hy ‘n moordenaar was.
Net so in Eksodus 31: 13, 17 word die sabbat ook gekoppel aan die woord “stigmata” wat ook ‘n uitkenteken is. Die mooi daarvan is dat die sabbat vir die mens gegee is om onderhou te word (Mark. 2:27). Jy is deel van die Here se uitkenmerk. Wanneer ‘n mens dit begin onderhou, beeld jy die “stigmata” van God se sabbat uit. Jy dra God se merk, Sy teken, Sy handelsmerk, Sy uitkenteken.

In Openbaring 13 vertel die Bybel vir ons dat daar ‘n dier (stelsel) is wat ook ‘n stigmata gee. ‘n Teken, ‘n merk, ‘n handelsmerk. Hierdie stigmata is niks anders as die ondergang van die mensdom nie. Alles teen God. Wie wil daarvan deel wees?

Nadat Jesus gekruising was en opgestaan het, verskyn Hy aan die mense. Wat presies het uitgestaan? (Lukas 24: 39 – 40). Sy “stigmata”! Die merktekens aan Sy voete en hande. Die prys is betaal! In Johannes 20: 27 – 29 word daar melding gemaak van Thomas. Ongelowig! Thomas, wat die vyfde merk, die uitkenteken vir ons voorhou. Die bewys dat Jesus gesterf het voordat Hy in die graf tot rus gelaat was. Uitkentekens… duidelk was dit sigbaar.

In Galasiërs 6: 17 maak Paulus sy “stigmata” bekend. Wat van Jesus dra jy in jou lewe? Wat se uitkentekens of handelsmerke dra jy? Uittekens wat sê: “Ek is Jesus se kind.”? … wat onveranderd bly? Jy is nie te koop nie, jy is Syne!.

Om die Here se “stigmata” te hê gaan ons nie noodwendig beroemd maak soos die “stigmata” wat die rolprentsterre het, nie. (2 Petrus 3: 3) Ten minste het ons die merk van die Here. Sy uitkenteken, Sy handelsmerk…

Kain se merk het uitgestaan. Almal was bewus van hom. Almal het geweet van hom. Staan jy uit? Is die mense bewus van jou dat jy die Here se kind is? Het jy die handelsmerk om Sy evangelie te verkondig?
Om deur die Here gemerk te wees besorg vir jou die ewige lewe. Verkeerde “stigmatas” maak dat jy die ewige lewe prys gee.
Hou aan om aan die Here se “stigmata”, Sy sabbat. Sy beloftes. Om aan Sy verlossing vas te hou en Sy karakter joune te maak!
Hoekom wil ek ‘n kind van die Here wees?
Alles in die lewe gaan oor keuses – soms is hulle maklik om te maak en ander nou weer moeilik.